Dêrsim de, Murat Ozan (42) ke wextê mektebê verênî de bi îmkanê xo resim kerdêne, nika kemeranê ke kenarê Royê Munzuri de, Çemê Munzurê ke rindekîya xo ya tebî, zengînîya heywananê û cinsanê endemikan ra yeno ver, arê keno, înan sey tuwal gurîneno.
Goreyê xebera Rojnameyê (Ozgur Dersim Gazetesî) Murat Ozan, wextê mektebê verênî ra nat ke resim keno, vist serrî de hunerê xo aver berd û xebatanê xo yê hunerî zêdina. Ozan, zafê wextê xo atolyaya keyê xo ke Taxa Înönü de ya de vêrneno ra. Saetanê rocane de şino kenarê Çemê Munzurî, Çemê Munzurî ra ke rindekîya xo ya tebî, zengînîya heywananê û cinsanê endemikan ra yeno ver, kemeranê qickekan arê keno u înan zey tuwal gurîneno. Murat Ozan, kemeranê hewl û roşna yênan ser o Çemê Munzurî, bize, laleyê çewtî, heyatê dewe u manzarayênê tebî resim keno û eseranê xo merkezê suke de standê xo de roşeno.
‘Fikrê boyaxkerdêna kemeran bi xo virazîya’
Ozan vano ke fikrê gurînayişê kemeran zey tuwal, kenarê Çemê Munzurî de resim kerdene de ameya meydan: “Ez qicaniya xo ra nat resim kena, hewesê mi yo huner mi de her tim bi. Mektebê verênî û lîseyî ra nat dewam kerd. Dimay ra tuwal î kaxiz ser o resim kerdene dest pê kerd. Wext ravêr, hunerê mi aver şi. Her çend ke merdim xebat keno û keda xo dano, o çend aver şino. Her çend ke xebat keno, çiyê newey u ferqî keşf keno. Yewê nê keşfan zaf kemerê Munzuri bi. Qerarê boyaxkerdena kemeranê Munzurî xo bi xo virazîya. Kenarê awike de, wexto ke ez tebiet resimkerdêne, mi kemeranê xo rê uca de kom kerd û çend resimê ceribnayişî ra dima, mi fam kerd ke yew çi hewl bi û wina aver şona. Ez kemeranê Munzurî ra dewam kena, labelê ez tuwal ser o zi resimkerdene ra dewam kena. Munzur, qimetê welatê ma biyayene ra, yew rindekiya bîna dana ci. Çemê Munzuri de her cay de kemerê tayini çiniyê. Tayê kemeranê resimkarênî ganî bidê. Her kemer de zemîn û engebe ferqbiyayene ra, her resim de yew kemer ser o yew meselaya bîna est a. Nê kemerê ganî zey tablo bibê, Munzur de zi nê kemeri vînayiş mumkin beno. Tayê cayan de vînena û manzarayanê Munzurî nê kemeran sero nêqş kena.”
