Kombîyayîşê mabênê temsîlkaranê Vakur û Rojhekatê Sûrîye û rayedaranê hukmato demkî ê Sûrîye dest pêkerd. Temsîlkaro amerîkayij Thomas Barrack û temsîlkarê hukmatê Fransayî Jean-Baptiste Faivre beşdarê kombîyayîşî bîyê.
Goreyê xebera ANHA’yî; kombîyayîşê fermandarîya Hêzanê Sûrîyeya Demokratîke (HSD) û temsîlkaranê Vakur û Rojhelatê Sûrîyeyî rayedaranê hukmato demkî yê Sûrîye reyde Şam de dest pêkerd. Temsîlkaro amerîkayij Thomas Barrack û temsîlkarê hukmatê Fransayî Jean-Baptiste Faivre zî beşdarê kombîyayîşî bîyê.
Ewro çarçewaya berdawamîya kombîyayîş û dîyalogê hukmato demkî yê Sûrîye reyde, heyetêko sîyasî û leşkerî Herêma Vakur û Rojhelatê Sûrîye ra resabi Şam.
10ê adara emserrî de mabênê Fermandarîya Hêzanê Sûrîyeya Demokratîke û rayedaranê Şamî de peymanêk ameye îmzakerdene. Seba taqîbkerdişê caardişê peymane 1ê hezîrana emserrî de Şam de mabênê heyetêkê Vakur û Rojhelatê Sûrîye û heyetêkê hukmato demkî yê Sûrîye de kombîyayîşêko fermî ame kerdene.
