Pêro komê Şaredarîya Şaristanê Pîlî yê Dîyarbekirî, mudaxeleyê şewatê birrîyo ke Hêni de dest pêkerd û heta Licê û Karazî vila bî, kenê, Hemserekî Serra Bucake û Doğan Hatun, vîyartî bi warê şewatî.
Serekîya Dayîreyê Îtfaîya, xebatanê weşaynayîşî yê şewatê birrîyo ke ewro dest pêkerd û semedê şertanê arazî ra bi wesayîtan mudaxeleyê ci kerdiş bêîmkan o, dewam kenê.
Hemserekî vîyartî bi warê şewatî
Hemserekê Şaredarîya Bajarê Pîlî Serra Bucake û Doğan Hatun, bi amanco ke xebatanê weşaynayîşê şewatî ca de koordîne bikerê, vîyartî bi war.
Serekîya Dayîreyê Îtfaîya, bi pêro wesayît û personelê xo mudaxeleyê şewato ke bi tesîrê vayî vila beno kena û Mudirîya Pêroyî ya DİSKİyî û Serekîya Dayîreyê Park Baxçeyan pêro tankerê awanê ke merkezê şaristanî de xizmetê danê, erşawitî bi warê şewatî.
Komî seba ke waranê cabîyayîşî de rewşêko xirab nêqewîyo, tedbîrî girewtî.
Serekîya Dayîreyê Îtfaîya zî venga pêro personelê xo yê ke îzin de yê da ke bêrê wezîfeyê xo ser.
