Serekwekîlê Koma DEM Partî Sezaî Temellîyî pare kerd ke Komîsyonê Meclîsî seba çareserîya meseleya kurdan ganî gama tewr girînge bierzo û vat: ‘’Ganî Komîsyon mesele raşta raşte Ocalanî ra goşdarî bikero.’’
Serekwekîlê Koma DEM Partî Sezaî Temellîyî babeta Komîsyonê Meclîsî ser o ajansê MA’yî rê qisey kerd.
Temellîyî îfade kerd ke Prosesê Aştîye û Komelê demokratîkî bi Komîsyonê Meclîsî derbazê safhayêka bîne bîyo û va: ‘’Xebat û usûlê Komîsyonî nika hol asenê. Hetê bînî ra perspektîfê Abdullah Ocalanî zî raşt o. Ganî komîsyon nê perspektîfî teqîb bikero.
Çareserîya meseleya kurdan xora çetin a la Ocalanî seba ney xerîtayêka rayîrî viraşta. Ganî Komîsyon mesele raşta raşte Ocalanî ra goşdarî bikero. Komîsyon tena çekveradayîşî ser o qisey nêkero. Ganî komîsyon heqanê înanê ke çek veradayê bigêro binê garantî.
Hetê bînî ra seba ke proses aver şoro ganî şertê xebatanê Ocalanî bêrê holkerdene. Komîsyon ganî şoro Îmraliyî û pêvînayîşan bikero.’’
