Dewa Korxaya Licêyî ya Amedî de 23 rojî ke kênaya 18 Evîn Kirhan vindî ya, keyeyê Evîn Kirhanî seba kênaya xo etiryena.
18 serra Evîn Kirhan, dewa Korxaya Licêyî ya Amedî de cuyena, Evîn Kirhan roja 7ê Teşrîna Peyêne de keyeyê xo ra va ke: ‘Ez şona keyeyê embaza xo’ keye ra vejîya û şî. Evîn Kirhan demo ke keye ra vejîya, telefonê xo zî keyeyî de verada û vindî bî.
Roja 7ê Teşrîna Peyêne ra nika keyeyê Evîn Kirhanî, kênaya xo ra xebere nêgêna û no ser zî keye cuyeya Evîne ra etîryena.
Dewijî derheqê babete de vatî ke Evîn Kirhan seatê ser sibayî de keyeyî ra vejyayo û ê fikrîyenî ke Evîn kewta tora çeteyêkî karê fuhuş û tiryakî keno.
Hewna pîyê Evîn Kirhanî, Kadîr Kirhan zî dîyar kerd ke kênaya ci, tewr peynî embaza a ya lîseyî reyde qise kerda û wina va: “Embaza Evîne, Evîne sifte berda keyeyê xo û dima zî erşawita keyeyê çeteyî. Ma derheqê meseleye de agahî da dozgerî û emnîyetî la belê hema zî heqê kênaya mi de tu agahîyêk destê ma çin o, no ser ma zaf tersenî û etiryenî. Wa kênaya mi bi lezûbez bi ganî bêro vînayîş û ma berîya kênaya xo kerdî.”
