Verfeka Înîsîyatîfê Azadîya Rayber Apo ya Kobanî Eyşe Efendî derheqê amancê xebatanê înîsîyatîfî agahî dayê û dîyar kerd ke ê bi înîsîyatîfî wazenê fikr û felsefeya Rayberê Şarê Kurdî Abdullah Ocalanî mîyanê heme komelî de vila bikerê.
18ê gulane de Merkexê Şûbeyê Kantonê Firatî yê Înîsîyatîfê Sûrîyeyî yê Azadîya Rayber Abdullah Ocalanî bi merasîmêk şaristanê Kobanî de ame akerdene. Verê Qamişlo û Heleb de zî merkezê Înîsîyatîfê Sûrîyeyî yê Azadîya Rayber Abdullah Ocalanî ameybî akerdene. Derheqê amancanê înîsîyatîfî de Verfeka Înîsîyatîfî Ayşe Efendî erjnayîş kerdî.
Ê wazenê Abdullah Ocalan na bikerê û bidê naskerdene
Ayşe Efendî îfade kerd ke bi na xebate wazenî Rayberê Şarê Kurdî Abdullah Ocalanî hîna zaf bişinasnê û wina vat: “Ma wazenê bi na xebate hem Serok Apo û hem jî embazanê ey bişinasnê. Ma wazenê fikir û felsefeya Serok Apo bi her kesî bidê şinasnayene. Ma wazenê her kes bi kitabanê ey perwerde bivîno û hîna zaf Serokî biwanê, fehm bikê û felsefeya ey bikerê mîyanê cuye.”
Xebatanê dîplomasîyî kenê
Ayşe Efendî şûbeyanê bînan ê înîsîyatîfî ser o vinderte û wina vat: “Qamişlo û Heleb de Merkezê Înîsîyatîfî est ê. Bi taybetî merkezê ma hîna zaf xebatanê dîplomasîyî kenê. Bi taybetî zî Heleb de ma waşt cayo ke ereb tede zaf ê înîsîyatîfî akerê û fikir û cuya Rayber Ocalanî bi înan bidê naskerdene û fehmkerdene. Ma do bi na xebate mîyanê şar, meclîs û huqûqnasan de bixebitîyê. Kesê huqûqnasî û xelata nobelî girewta ganî kes û hêzanî ke komployê 15ê Sibate de ca girewto, înan ser o zilm bikero. Reyna ganî Mehkemaya Merdiman a Ewropa û CPT ser o zî zilm bikerî ke wezîfeyê xo bîyarê ca.”
‘Ma berpirsîyarîyanê xo bîyarê ca’
Ayşe Efendî dîyar kerd ke destpêkî de cezaya îdamî daye Rayberê Şarê Kurdî Abdullah Ocalanî û wina qisey kerd: “Ma şênayêne çalakîyanê hîna tesîrdar bikerdêne. Çalakîyan de konî ameyê ronayene. Kewtê grevê vêşanîye. Demo Rayber Ocalan ame girewtene bi seyan kesan xo derûdorê Rayber Abdullah Ocalanî de kerd adir. Xeylê çalakîyê cîyayî ameyê kerdene. Bi saya nê çalakîyan cezaya dardekerdişî edilnaye. Ma wazenê şar hîna zaf nêzdî ra Serokî bişinasno. Ey zî pawitişê xo yê pancine de vatbi, prosesê sîyasî û dîplomasî de do mabênê şaranê kurd, ereb û tirkan de bedilîyayîşî bibê. Nê prosesî de do dej est bo. Nê prosesî de Sirri Sureyya Onder şehîd bi. Ganî ma berpirsîyarîyanê xo bîyarê ca. Ganî destê aştî derg bikerê û barê Serokî sivik bikerê. Ma wazenê çarçewaya înîsîyatîfî de fikranê Rayber Apoyî bi her kesî bidê fehmkerdene û naskerdene.”
