Meclîsê Cinîyan ê Şaredarîya Peyasî ke tewr peyên îdarekarîya xo newe kerdbî, roniştişê xo yê yewine ê hîra Keyeyê Kerpîçî yo ke Parka 75 de yo, uca de organîze kerd.
Roniştişî de Hemşaredara Peyasî Bêrîvan Gulşen Sîncar, endamê meclîsê şaredarî, hetkarê hemşaredaran û endamê Meclîsê Cinîyan bi hawayêko aktîf amade bîyî.
Roniştişî de seba pîlkerdişê fehmê îdareyanê herêmîyan û awankerdişê sîstemêko winasîn ke cinîyî biancê heme cayanê cuye, bi hawayêko têduşt, azade û aktîf ca bigirê, erjnayîşî ameyî kerdiş. Firazîya xurtkerdişê yewbîyayîş û rêxistinbîyayîşê cinîyan ê mîyanê qezayî ser o bale ameye antiş.
‘Qisey, kede û îradeyê cinî do dîyarker bibê’
Endamê Meclîsê Cinîyan ê Şaredarîya Peyasî dîyar kerd ke ê seba awankerdişê cuyêka demokratîk, ekolojîk û azadîwaz ke qisey, kede û îradeyê cinîyan tede dîyarker bo, têkoşînê xo her şert û mercî de û bi heme hawa rayra berê. Beşdaran bi qerardarî dîyar kerd ke xebatê înan ê seba pawitiş û averberdişê heqanê cinîyan do bêmabên û bi coşêko pîl dewam bikerê.
