Şaredarîya Amedî ya Şaristanê Girdî, seba nuştox Mehmed Uzunî ke yew nameyo muhîm ê edebîyatê kurdkî yo, bernameyêkê yadkerdişî virazeno.
Nuştox Mehmed Uzun ke yew nameyo muhîm ê edebîyatê kurdkî yo, serrgêra mergê xo de Amed de bi çalakîyanê cîya-cîyayan yeno yadkerdene. Bernameyê yadkerdişî ke 11ê teşrîna verêne de hetê Şaredarîya Amedî ya Şaristanê Girdî ra yenê viraştene, heskerdoxanê edebîyatî ano têhet.
Gorê ey ser o yadkerdiş
Çalakîyê yadkerdişî, serê sibayî seate 11.00 de, Goristanê Berê Mardînî de gorê Mehmed Uzunî ser o bi merasîmêk dest pêkenê.
Panel: Edebîyatê Mehmed Uzunî yeno rojeve
Merkezê Kongre yê Çand Amedî de seate 17.00 de panelêk yeno viraştene û tede hetê edebî û romannusîya Mehmed Uzunî yena qiseykerdene. Panelî de ke moderatorîya ci Esra Sadikogluye kena, nuştoxî Zulkuf Ergun, Kenan Soylemez û Salîh Koserî, babetê “Romannusîya Mehmed Uzunî de Cehdê Niyadayîşê Modernî”, “Romannusîya Mehmed Uzunî de Tesîrê Dengbêjîye” û “Surgunîye û Nuştoxîye” yenê qiseykerdene.
Kayê Şanoyî: Sîrgûn – Rîşa Pûç
Çalakîyî, seate 18.30 de bi kayê şanoyî yê “Sîrgûn – Rîşa Pûç” dewam kenê.
