Birayê Endamê Fermandarîya Merkezî yê Pawitişê Şarî (HPG) Murat Karayilanî, Mehmet Emîn Karayilan goristanê Mehlaya Sakiltanî ya qezayê Bêrecûkê Riha de ame definkerdene.
Mehmet Emîn Karayilan (74) vizêrî seba tedawîyê kênaya xo şîbi Nexweşxaneyê Perwerde û Cigerayîş yê Ersîn Arslanî yê Dîlokî. Mehmet Emîn Karayilanî nêweşxane de krîzê zerrî vîyarna û mudaxeleyê weşîye yê pêroyî ameyê kerdene la nêame xelasnayene.
Cenazaya Mehmet Emîn Karayilanî ewro dimayê bi caardişê wezîfeyanê dînî goristanê Mehlaya Sakiltanî ya qezaya Bêrecûk ê Riha de ame definkerdene. Keyeyî reyde Hemsereka Pêroyî ya DBP’î Çîgdem Kiliçgun Uçar, parlamemterê DEM Partî yê Colemêrgî Vezîr Coşkun Parlak, rêxistinê DEM Partî û DBP’yî yê Riha, rayber û endamê dezgeyanê sîvîlî yê demokratîkî û zaf kesî tewrê merasimê cenaza bîyî.
Mehmet Emîn Karayilanî bi duayan ame definkerdene. Şînê Mehmet Emîn Karayilanî do keyeyê Mehlaya Sakiltanî de bêro ronayene.
