Parlamenterê DEP’î Mehmet Sîncar serrgêra kiştişê xo ya 32. de mezelê xo ser o ame vîrardene.
Parlamenterê Partîya Demokrasîyî (DEP) yê Mardînî Mehmet Sincar ke 4ê êlula 1993î de encamê hêrişê çekdarî de ameyo kiştene, serrgêra kiştişê xo yê 32. de mezelê xo ser o ame vîrardene. Bi seyan kesî ke pêşengîya Komela Yewî Kultur Piştgirî û Hetkarîya Keyeyanê ke Merdimê xo Derguşê Şaristanîye de Vîndî Kerdî (MEBYA-DER) de kuçeyê Akdoganî de ameyê têhet, ver bi Goristanê Firatî rayîrşîyayîş organîze kerd. Rayîrşîyayîşî de sloganê “Şehîd Namirin” ame vatene û fotografê Mehmet Sîncarî ameyê berzkerdene. Parlamentero ke eynê hêrişî de birindar xelesîyayo, ey reyde xeylê sîyasetmedarê DBP û DEM Partî û temsîlkarê sazgehanê sîvîl ê komelkî beşdarê merasîmê vîrardişî bîyê.
Sîyasetmedar û temsîlkarê sazgehanê sîvîl ê ke vîrameyîşî de qisey kerd bale ant polîtîkayanê bêcaverdayîşî ser o û da zanayene ke do têkoşîno ke Mehmet Sîncarî înan rê verdayo, ey nêmcet nêverdê. Qiseykerdişan ra pey, vilikî ronîyayê mezelê ey ser o û merasîmê vîrameyîşî qedîya.
