Mektubê ke girewteyanê cinîyan ke Hepisxaneyê Erzînganî de yenê girewtene, waştêne Abdullah Ocalanî rê bierşawî bi manayê “şima ra moral gêno” nêyenê erşwitene.
Mudira Xeberan a JINNEWS’î Oznur Deger qezaya Qosere ya Mardînî de ameyê destbendkerdene û dima ameye girewtwene. Dima ra sewqê Hepisxaneyê Cinîyan yê Erzînganî bîye. Oznur Deger telefonî de keyeyê xo reyde qisey kerd û behsê binpaykerdişanê hepisxaneyî kerd. Oznur Deger vat ke waştişê înan o vejîyayîşê revîrî nêyeno qebulkerdene û dermanî nêyenê dayene.
Oznur da zanayene ke waştişê înan o bedilnayîşê odeyî nêyeno qebulkerdene û vat: “Heqê înan ê tereqî yeno binpaykerdene ke no demêko derg o dewam keno. Demo ke ma nê problemê xo vanê zî cewab nêyeno dayene. Her tim erzenê qawişanê ma ser o û gêrayîş kenê. Nê sereştişî sey provakasyon yenê kerdene. Mektubê ke ma rê erşawîyenê nêdanê ma. Mektubê ke zî ma erşawenê bi keyfî yenê astengkerdene û yan erey erşawenê yan zî qet nêerşawenê.”
Pêvînayîşî de Oznur Deger îfade kerd ke mektubê girewteyan ê ke seba Rayberê Şarê Kurdî Abdullah Ocalanî erşawenê, nêyenê dayene û vat: “Îdarekarîya hepisxaneyî bi manayî ‘şima ra moral gêno’ ê nameyan nêerşaweno. Tu heqê ma yê qanûnî nêyenê şinasnayene. Nê binpaykerdişî demêko derg o ke dewam kenê.”
Oznur Deger da zanayene ke seba ke Abdullah Ocalanî reyde pêvînayîş bikera, muracatê Wezaretê Edaletî kerdo.
