Îdarekarê Eyaletê Hesenî Jakob Migenda: “No têkoşîn tena aîdê komêke nîyo, no têkoşîn mojneno ke mumkîn o ke teda biqedîya û şarê bînî zî azad bibê.”
1ê temmuze de 39 kesan çarçewaya kampanyaya “Ez wazena Abdullah Ocalanî bivîna” de Îstanbul de Wezaretê Edaletî rê muracatê pêvînayîşê Îmraliyî kerd.
Nê kesan ra Îdarekarê Eyaletê Hesenî yê Partîya Die Linke Jakob Migendayî Ajansê Mezopotamya rê qisey kerd.
Migendayî da zanayene ke Tirkîya de zîyaretanê xo de înan bazirganîya çekan a Almanya – Tirkîya ser o qisey kerdo û vat: “Destekê Almanya ra nêbo Erdogan zî nêeşkeno nê şerî aver bero. Ma pêvînayîşanê xo de behsê qedexeyanê vera PKK’yî yê Almanya zî kerd.
Aştî tena seba Tirkîya ney seba pêro herême muhîm a. Ez hêvî kena ke dewleta tirke seba serkewtişê prosesî têgêrena. Seba têkoşînê hemparî sembolê hemparî muhîm ê. Azadîya Ocalanî zî nê sembolan ra yew a. No têkoşîn tena aîdê komêke nîyo, no têkoşîn mojneno ke mumkîn o ke teda biqedîya û şarê bînî zî azad bibê.”
