Mîhrîcana Fîlmanê Cinîyan a Nujîyan a 1. ke Qamişlo de hetê Kolektîfê Kezî yê cinîyanê sînemakaran ra bi piştgirîya Desteyê Kulturî yê Cizîrî û Hereketê Hîlala Zêrine ra ameya organîzekerdene, dest pêkerd.
Kolektîfê Kezî yê cinîyanê sînemakaran bi piştgirîya Desteyê Kulturî yê Cizîrî û hemkarîya Hereketê Hîlal Zêrîn Mîhrîcana Filmanê Cinîyan a Nujîyan şaristanê Qamişlo de organîze kerde. Mîhrîcane bi sloganî “Ewnîyayîşê aye azadîye ra yo, hîkayeya aye xoverdayîş ra ya” vizêr dest pêkerde. Mîhrîcane do heta 31ê gulane dewam bikera
Deqeyêk rêzgirewtişî ra pey Endama Komîteyê Amadekar û Koordînasyonê kolektîfê Kezî Dêrsim Zêrevan derheqê mîhrîcane de qisey kerd. Dêrsim vat: “Ma mîhrîcana yewin a bi nameyê Nujîyan şima hemînan rê pîroz kenê. Binê sloganî “Ewnîyayîşê aye azadîye ra yo, hîkayeya aye xoverdayîş ra ya” sw ma zanî ken raywanîya ma ya sînema de barê ma zaf giran o. Her çend barê ma giran bo zî, ma do têkoşînê xo bidomnê. Ma vanê seba ke ma sînema awan bikerê, dewayêk û amancêkê ma est o. Seke şima zî zanê, ewro îqtîdaro cînsîyetperest û aqilê ey hemverê cinîyan de şerê xo domneno.”
‘Ma bieşkê înan rê cuyêka arame awan bikerê’
Dêrsim Zêrevan dîyar kerd ke seba aramîya gedeyan, xoza û cinîyan têkoşîn danê û bi nê vatişan qiseykerdişê xo qedêna: “Ma do sey cinîyanê sînemakeran her tim karê xo ser o bî. Ma do têkoşîn bidê. Ma do bibê kameraman, dîrektor, senarîst û ma do heme ca de nê hunerî aver berê, seba ke cinî bi tarîxê xo, komelê xo, hîkayeya xo rêxistin bikerê. Reyna ma wazenê bi nê hewayî heme xoverdayoxî ke ewro asoyê berz de, koyanê berzan de; gerîlayê cinî ke ewro hetê xoverdayîşî ra bîyê tacê serê cinîyan, aştî de û azadîye de ma silamanê xo yê german înan rê erşawenê.”
Qiseykerdişê destpêkî ra pey, sînevîzyonêk ame pêşkêşkerdene. Dima mesajî ameyê wendene. Koma Stêra Zêrîn a Hîlala Zêrîne deyîrî xo vatî û tewr peyên fîlmê ‘Siwarîyên Şengalî’ ame mojnayene.
Mîhrîcane bi sloganî “Jin jîyan azadî” û “Şehîd Namirin” seba rojêk qedîyaye.
