Verê pêvînayîşê ke bi mîyanbeynkarîya Fransa qerar o Parîs de bêro viraştene, lekolin.org resayo agahî ke muhtewaya talîmatê ke dewleta Tirke bi dîrektîfanê MÎT’î Şam rê erşawito.
Pêvînayîşoke plan bi ke 24ê Temmuze de mîyanê Rayberîya Xosere ya Demokratîke ya Vakur û Rojhelatê Sûrîye û Hukmatê Demkî yê Sûrîye de bi mîyanbeynkarîya Fransa bêro kerdene, bi behaneya ke “hukmatê demkî yê Şamî seba pêvînayîşî amade nîyo” ame taloqkerdene û dewleta Tirke no rewş sey fersend zana û kewte fealîyet.
Verîya pêvînayîşê ke plan o rojê ke yenê de Parîs de mîyanê Hukmatê Demkî yê Sûrîye û Rêveberîya Xosere ya Demokratîke ya Vakur û Rojhelatê Sûrîye de bi mîyanbeynkarîya Fransa û bi beşdarîya Temsîlkarê Taybetî yê Amerîka yê Sûrîye Tom Barrackî bêro viraştene, lekolin.org resa muhtewaya talîmatê ke MÎT’Î şawito Daîreya Operasyonê Hemparî ya Şamî.
Heta nika MÎT pêvînayîşanê ke mîyanê îqtîdarê Şamî û Rêveberîya Xosere ya Demokratîke ya Vakur û Rojhelatê Sûrîye de ameyî kerdene de her tim hazir bi û bi her hawayî mudexele kerdêne; la wexto ke ameyene pêvînayîşê Parîsî rê tewr nêkerdene, eşkera bi ke MÎT’î îqtîdarê Şamî ser o endamanê heyetî rê talîmatî erşawitê.
Goreyê malûmatê ke lekolin.org dest vistê, musayî ke 27ê Temmuze 2025 de dewleta Tirke bi rayîrê MÎT’î talîmato ke seba heyetê ke do şiro Parîs amade kerdo, şawito odaya Operasyonê Hemparî ya Şamî.
Mijarê ke MÎT’î talîmatê ke erşawito Odayê Operasyonê Hemparî ya Şamî de waştî ke heyet seba pêvînayîşanê bi Rayberîya Xosere ya Vakur û Rojhelatê Sûrîye rojeve bikero, wina yê;
Redkerdişê entegrasyonê Hêzanê Sûrîyeya Demokratîke (HSD) sey yew hêzê organîzekerdeyî yê binê banê Wezaretîya Pawitişî ya Sûrîye de.
Entegrasyonê unsuranê ke hetê Wezaretîya Pawitişî ya Sûrîye ra yenê organîzekerdene, tewr verî de HSD, bi rayîrê caardişê qedeme bi qedemeyî. Çarçewaya caardişê peymana ke 10ê Adare 2025 de ameye îmzakerdene de, dewrgirewtişê kamp û hepisxaneyanê ke Vakur û Rojhelatê Sûrîye de yê û bi taybetî DAIŞijî tede yê.
Binê çimdarîya Wezaretîya Pawitişî ya Sûrîye de teslîmkerdişê çekanê giranan.
Binê çimdarîya Hêzanê Asayîşê Zereyî de viyartîşê destî serê wîlayetanê Ereban (Reqa, Tebqa, Dêrazor).
Ferzkerdişê prensîbê yewîya axa Sûrîye û qet nêparçekerdiş û letenêkerdişê axa Sûrîye.
Caardişê hêzanê Artêşa Erebî ya Sûrîye Vakur û Rojhelatê Sûrîye de binê çimdarîya hêzanê Amerîka de, cade bêro caardene.
Entegrasyonê dezgehanê sîvîlan bi rayberîya xosere û seba ke herêman de amûrê nufûsî yo umûmî bêro viraştene, awankerdişê meclîsanê mehelan.
Temînkerdişê cakerdişê personelê Wezaretîya Pawitişî ya Sûrîye sînorê Sûrîye-Tirkîya-Îraqî ser o.
Dewrkerdişê kontrolê waranê petrolî yê Vakur û Rojhelatê Sûrîye bi hukmatê Sûrîye.
