Muxabirê ajansê ma Ronî Rûbar Îmen bi şertê kontrolê edlî û qedexeyê vejîyayîşê teberê welatî ame veradayene.
Muxabirê Ajansê ma Welat Ronî Rûbar Îmen ke seba taqîbkerdişê xeberan şîyêne Herêma Kurdîstanî, hîrê rojî ra ver qezaya Cizîrî ya Şirnexî de amebi destbendkerdene. 3 rojî ra pey abîş Mudirîyetê Polîsan ê Şirnexî de îfadeyê Îmenî ame girewtene. No serê sibayî Îmen sewqê Mehkemaya Şirnexî ame kerdene û ewil îfade da dozgerîye. Dozger, rojnameger Îmenî seba bêro girewtene, bi îdiaya “propagandaya rêxistine kerda” û “endamê rêxistine yo” sewqê dadgerîye kerd. Îfade ra pey dozgerî Îmen erşawit dadgerîye.
Mehkemaya Cezayanê Sulhî ya Şirnexî de îfadeyê Îmenî ame girewtene. Îmen dadgerîye de bi qerarê şertê kontrolê edlî û qedexeya vejîyayîşê teberê welatî ame veradayene. Do Îmen çarçewaya şertê kontrolê edlî de her roje şêro qereqolê polîsan de îmza bido.
