Serekê Herêma Kurdîstanî Nêçîrvan Barzanî, tewrê Forumê Dîplomasî yê Antalya yo 5. bi û temsîlkarê DYA’yî yê Sûrîya Tom Barrack reyde ame têhet.
Serekê Herêma Federe ya Kurdîstanî Nêçîrvan Barzanî, seba tewrbîyayîşê Forumê Dîplomasî yê Antalya (ADF2026) yo 5. ame Tirkîya û dest bi pêvînayîşanê xo yê dîplomatîk kerd. Barzanî çarçewaya forumî de Sersefîrê Amerîka yê Anqara û temsîlkarê Trumpî yê Sûrîya Tom Barrack reyde ame têhet.
Pêvînayîşê Tom Barrackî de: Rewşa Rojava û Başûr rojev de bîye
Nêçîrvan Barzanî hesabê xo yê platformê Xî de eşkera kerd ke pêvînayîşê heyetê Amerîka reyde baş derbas bîyo. Goreyê eşkerayîya Serekê Herêma Kurdîstanî, nê babetê sereke ameyê erjnayene: “Tekilîyê mabênê DYA, Îraq û Herêma Kurdîstanî, averşîyayîşê peyên ê Sûrîya û rewşa kurdanê ê welatî. Tesîrê Şerê Îranî yê serê Îraq û Herêma Kurdîstanî û pawitişê aramîya herême.”
Her di hetan muhîmîya koordînasyon û hemkarîya seba pawitişê aştî yê Rojhelatê Mîyanên ser o teqezî ard.
Beşdarê Forûmê Diplomasî yê Antalya
Forumo ke binê sîwanê Serekkomarîya Tirkîya û mêmandarîya Wezaretê Karanê Teberî yeno viraştene, emser mêmandarîya zafêrê 5 hezar kesan kenê. 150 welatan ra temsîlkar, 20 serekdewlet û zafêrê 50 wezîrî nê zîrweyê dîplomasî yê hîrê rojan (17-19ê nîsane) de amade bibê.
