Sîyasetmedar Hişyar Ozsoyî vat: “Kurdî dîyalogan rê amade yê, bi birêka tarîxîye peynîya têkoşînê çekdarî anê. Ganî dewlete cewab bida nê vengdayîşî. Çend vurnayîş, çend gamê qanûnî bibê hêvî do geş biba.”
Sîyasetmedar Hişyar Ozsoyî qewimîyayîşê peyênî yê serê meseleya kurdan ANF’yî rê ercnayî.
Ozsoyî vat: “Bi vengdayîşê Ocalanî bira tarîxî ya xofesihkerdişê PKK’yî û qedînayîşê têkoşînê çekdarî, hêvîya çareserîye û haştîye ancî bîyî rojdemê herême.”
Ozsoyî îfade kerd ke averşîyayîşê dîplomatîkî û leşkerî yê Rojawanî tesîrê pêro kurdan û Sûrîye zî kenê.
Ozsoyî ard ziwan ke meseleyê Rojawan û Vakurî hinî kewtî mîyan û vat: “Dewleta tirke hinî meseleya kurdan de teng bîya. Birêz Ocalan hinî kesêko hîna girîng o. Serebûtê peyênî do tesîrê sîyasetê Sûrîye zî bikerê. Birêz Ocalanî seba çareserîye înîsîyatîf girewt. Bira qedînayîşê têkoşînê çekdarî do mesuldarîye bida dewlete ke na babete de çarçewêka sîyasî û huqûqî awan bikera.
Nê gamî mîyanê rayaumûmîya Tirkîya û mîyanneteweyî de bi pozîtîfî yenê pêşwazîkerdene. La hukmatî hema zî gamêka zelale nêeşte. Nêvurnayîşê şertê Îmraliyî û canêardişê azadîya Ocalanî meşxulkerdişê prosesî yo. Seba ke no proses ser bikewo ganî dewlete îradeyêkê samîmîyî bimojna. Kurdî dîyalogan rê amade yê, bi birêka tarîxîye peynîya têkoşînê çekdarî anê. Ganî dewlete cewab bida nê vengdayîşî. Çend vurnayîş, çend gamê qanûnî bibê hêvî do geş biba.”
