Meydanê Cumhurîyetî yê Konakê Îzmîrî de Serekê Pêroyî yê CHP’yî Ozgur Ozel ke bi qerarê “Butlano Mutlak” wezîfe ra amebî girewtene, şarî reyde ameyene têhet ra ver, polîsan bi gazê îsotî û awa şîpe mudaxeleyê girseye kerd.
Goreyê planan ameyene pawene ke Serekê Pêroyî yê CHP’yî Ozgur Ozel saete 12:00 de Meydanê Cumhurîyetî yê Konakê Îzmîrî de eşkerayîyêka muhîme bido raya pêroyî. Naye ser bi saeten vernîya programî bi hezaran hetgirê CHP’yî çar hetanê şaristanî de bi slogananê ‘Xayîn Kemal’ û ‘vera faşîzmî mil bi mil’ ver bi meydan kewtê rayîr. La hêzê emnîyetî heme kuçe û cadeyê ke şinê Meydanê Cumhurîyetî bi barîyeran girewtî.
Girseyo ke waşt barîyeranê polîsan derbas bikerê û xo biresnê meydanê mîtîngî, rastê reaksîyon û şîdetî polîsan ameyê. Hêzê emnîyetî seba vilakerdişê girseyî awa şîpe û gazê îsotî bi kar ard.
