Endamanê Înîsîyatîfê Taksîmî yê 1ê Gulane wexto ke waşt abîdeyê Kazancî de kesê ke 1977î de ameybî kiştene, yad bikerê, polîsan hêrişê girseyo ke kom bibi kerd, zêdeyê 30 welatijî bi îşkence destbend kerdê.
Bi se hezaran karkerî mîtîngê 1ê Gulane 1977î de Taksîm de seba “Roja Kedkar û Karkeran” kom bîbî. Polîs û leşkeran hêrişê girseyo ke kom bîbî kerdbi û 34 kesî hêriş de cuya xo ra bîbî. Înîsîyatîfê Taksîmî yê 1ê Gulane waşt seba vîrardişê qetlîamê 1ê Gulanê yê 1977î vernîya Abîdeyê Kazancî de programê vîrarişî virazo. Girse hetê polîsan ra ame dorpêçkerdene. Naye ser o endamanê însîyatîfî çalakîya roniştişî viraşt. Polîsan hêrişê girse kerd, zêdeyî 30 kesî bi îşkence destbend kerdî. Ame zanayene ke polîsan 4 ciwanê ke dorûver de dîmenê destbendkerdişî qeyd kerdêne, ê zî destbend kerdê.
