Hemsereka DEM Partî ya Pêroyîye Tulaye Hatimogullari ewro Herêma Federasyonê Kurdîstanê Iraqî ser ra şona Rojawan ke hêrişê hêzanê Şamî dewam kenê.
Goreyê melumatê Buroyê Çapemenîye yê DEM Partî, zîyaretî de Hemserekê DBP’yî yo Pêroyî Keskîn Bayindir, Parlementerê DEM Partî yê Wanî û Verfeka Înîsîyatîfê Yewbîyayîşê Demokratîkî Gulcane Kaçmaz Sayyîgît, Parlementerê Mêrsînî Alî Bozan û temsîlkarê baroyan û sazgehê komelê sîvîlî zî beşdar benê.
Çarçeweya zîyaretî de, sere de partîyê sîyasîyî û nameyê ke dînamîkê sîyasîyê herême temsîl kenê, înan reyde pêvînayîşî yenê plankerdene.
Hetê bînî ra Hemserekê DEM Partî yo Pêroyî Tuncer Bakirhan beşdarê rayîrşîyayîşê protestoyê Nisêbîna Mêrdînî beno.
DEM Partî vizêrî kombîyayîşê xo yê grûbe yê hewteneyî seba protestokerdişê hêrişanê hêzanê Şamî yê vera Rojawanî, xeta sînorî de Nisêbîn de kerdbî.
