Rêxistinanê huqûqî yê mîyanneteweyî TLSP, ELDH, MAF-DAD û LLG’yî seba caardişê Heqê Hêvî muracatê Komîteya Wezîran a Konseya Ewropa kerd.
Rêxistinanê huqûqî yê mîyanneteweyî yê bi nameyê Projeyê Paştdayîşê Dewaya Heqanê Merdiman ê Tirkîya (TLSP), Komeleya Avûkatan a Ewropa ya Semedê Heqanê Merdiman a Dinya (ELDH), Komeleya Demokrasî û Huqûqê Mîyanneteweyî (MAF-DAD) û Koma Huqûqî ya Londonî (LLG) seba Koma Doza Gurban muracatê Komîteya Wezîran a Konseya Ewropa kerd.
Rêxistinanê huqûqî vat înan vilaweka xo goreyê qaydeyê 9.2. yê Qaydanê Şertanê Çareserîya Dostane û Çimdarîya Înfazî yê Qeraranê Komîteya Wezîran teqdîmê Komîteya Wezîran kerd. Dîya zanayene ke rêxitinanê huqûqî semedê caardişê qeraranê Mehkemeya Heqanê Merdiman a Ewropa (MHME) yê derheqê koma Gurban (Abdullah Ocalan, Hayatî Kaytan, Civan Boltan, Emîn Gurban) vilaweke teqdîmê komîte kerd.
Rêxistinanê huqûqî vilaweka xo de vat cezaya muebetê giranî seba ke tede îmkanê tehlîyeyêke û cipersayîşê ceza çîn o madeyê 3. yê Pêkerdişê Heqanê Merdiman ê Ewropa binpay keno.
Rêxistinanê huqûqî yê mîyanneteweyîyî TLSP, ELDH, MAF-DAD û LLG vilaweka ke teqdîmê Komîteya Wezîran kerd nimûneyê pozîtîfî yê Ewropa rêz kerdî û vat gerek dewleta tirke mevzuatê xo de bedilnayîş bikero.
Rêxistinanê huqûqî vat çarçeweya îçtîhatê MHME de dewayê sey Vinter û Ê bînî – Brîtanya, Murray – Hollanda, Petukhov – Ukrayna (Hûmare 2), László Magyar – Macaristan û Bodein – dewayê Fransa zî tede cezayê hepsî yê muebetê giranî yê Mehkemeya Heqanê Merdiman ê Ewropa têna rewşa kêmkerdişê huqûqî û fîîlî de goreyê madeyê 3. bi eşkera yeno destnîşankerdene.
Dewleta tirke Planê Çalakîye de yo ke hezîrana 2025î de teqdîmê Komîteya Wezîran kerd,vat ê do heqê hêvî de bedilnayîşêk mekerê. Rêxistinanê huqûqî ke vera nê nimûneyê pozîtîfî yê welatanê ke endamê Konseya Ewropa yê, rêz kerdî vat goreyê mevzûatê deweleta tirke heqê hêvî tewr erey zereyê 25 serran de gerek bêro caardene.
