Rayedarê rêxistinî yê Elewîyan, seba yadkerdişî ke 46 verê Mereş de Elewîyê ke ameyê qirkerdiş şonê Mereş. Bername do bi rayberîya rêxistinanê Elewîyan yê Ewropa û Tirkîya ra bêro viraştiş
Mereş (Gurgum) de mabenê rojanê 19 û 16ê Kanuna 1978î de bi seyan Elewî ameyê qirkerdiş, sergêra 46. Qirkerdişê Mereşî de do 21ê Kanuna roja şemeyî bernameyê yadkerdişî bêro viraştiş.
Goreyê xebera PÎRHA’yî bername Taxa Yoruk Selîmî ya Cemxaneyê Erenlerî de bêro viraştiş, rayedarê Federasyonê Bektaşî yê Elewîyan (ABF), Weqfa Kultur Anatolî yê Haci Bektaş Velîyî (HBVAKV), Konfederasyonê Yewîya Elewîyan yê Ewropa (AABK), Federasyonê Elewîyan yê Tirkîya (ADFE), Komela Kulturî ya Pîr Sultan Abdalî (PSAKD), Komela Elewîyan a Demokratîke (DAD) û Komela Kulturî yê Elewîyan (AKD) do beşdar bibê.
Kombîyayîşê herêmî do bêrê viraştiş
Sazgeh û dezgeyê Elewîyan seba vengdayişî kombîyayîşanê herêmîyan virazenê. Kombîyayîşo yewin Edene de Merkezê Kulturî yê Selman-i Pakî de bêro viraştiş û sazgehê Elewîyan yê Tarsus, Mêrsîn û Hatayî do beşdarê kombîyayîşî bibê.
Kombîyayîşo dîyin zî do Cemxaneyê Erenlerî yê Mereşî de bêro viraştiş.
