Roniştişê dewaya rojnameger Ercument Akdenîzî de qerarê veradayîşî ame dayene.
Roniştişo 2. yê dewaya rojnameger Ercument Akdenîz ke çarçewaya cipersayîşê Kongreya Demokratîk a Şaran (HDK) û bi îdiaya “endamtîya rêxistine” de amebi girewtene, Mehkemaya Cezayanê Giran a 26. ya Edlîyeya Stenbolî de ame kerdene. Akdenîz û avûkatê xo roniştişî de amade bîyê. Hemverfeka HDK’yî Meral Daniş Beştaş, xeylê rojnameger, pawitoxê heqan, temsîlkarê partîyanê sîyasî û sîyasetmedar zî dewa taqîb kerdene.
Roniştişê de şahîdan vat ke Akdenîz nas nêkenê, îfadeyê înan ê verî nêyenê vîrê înan, tedeyîyê îdianemeyî nêzanê û nêbîyê şahîdê tu çîyî. Akdenîz zî îdiayanê ke derheqê ey de yenê vatene, qebul nêkerdê û vat o rojnameger o. Akdenîz da zanayene ke o HDK’yî ra nîyo, HDK sazgeyêka fermî ra û waştişê veradayîşê xo kerd.
Avûkat Ozcan Karakoş zî vat êdî delîlêk çin o ke dosya de vêş bikerê û waşt dosya mutalaayî rê bêra erşawitene.
Dozgerî îfade kerd ke hema mutalaa amade nîya û waşt Akdenîz girewte bêro muhakemekerdene. Mehkema bi şertê kontrolê edlî qerarê veradayîşî Akdenîzî da û roniştiş taloqê 10ê sibata 2026î kerd.
