Rojnameger û Mudira Xeberan a JINNEWS’î Oznur Degere ke girewte bîye, veradîyaye.
Roniştişo yewin yê dewaya derheqê Mudira Xeberan a JINNEWS’î Oznur Deger de ke 7ê sibate de sererştişê keyeyê xo yo qezaya Qoserî ya Mardînî de bi îşkenceyî ameybî destbendkerdene û eyn roje bi îdiaya “propagandaya rêxistine” aye rê dewa ameybî akerdene, ewro ame vînayene. Îdianameyî de vera rojnameger Oznur Deger de ke Hepisxaneyê Cinîyan ê Erzinganî de ameyêne girewtene, parekerdişê aye yê medyaya dîjîtal, rojnamegerî ke ameyê kiştene Nazim Daştan û Cîhan Bîlgîne sey “endamê rêxistine” ameyê mojnayene, reyna fotografê birayê aye Abdulselam Deger (Kendal Qoser) zî bîyo babeta îdianameyî. Komela Rojnamegeranê Cinîyan a Mezopotamyayî (MKG), Komela Rojnamgeranê Dîcle Firatî (DFG), Komela Heqanê Merdiman (ÎHD), Komela Avûkatanê seba Azadîye (OHD) û xeylê kes û avûkatê aye beşdarê roniştişî bîyê.
Roniştişî de qerarê qedexeyê vejîyayîşê teberî welatî, bi şertê kontrolê edlî ameye veradayene. Dewa taloqê 21ê teşrîna peyêne bîye.
