HDK’î dest bi kampanyaya ‘Mîlyonêk îmza seba aştîye’ kerd. HDK’î venga her kesî da ke seba aştîye bi berpirsîyarî têwbigêrê.
Kongreya Demokratîke ya Şaran (HDK) otelêk qezaya Beyoglû ya Îstanbulî de deklarasyonê kampanyaya ‘Mîlyonêk îmza seba aştîye’ viraşt. Hemverfekî Meral Daniş Beştaş û Alî Kenanoglu, Hemserekê Pêroyî yê Partîya Demokrasî û Seyyewbînanîye ya Şaran (DEM Partî) Tuncer Bakirhan zî mîyan de temsîlkarê girêdayê HDK’î beşdarê kombîyayîşî bîyê.
Hemverfeka HDK’î Meral Daniş Beştaş ard ziwan ke dinya de aştîyêka domdar eşkena aver şêra û va: “Tena ma şensêk bidê aştîye. Seba ma no şans bidê, ma ewta de yê. Seba aştîye nîqaş yenê kerdene, berêk ameyo akerdiş. Beno ke ma zaf nêzdî yê, beno ke ma do nê nêzdîbîyayişî tayîn bikê. Seba ci zî ma dest bi kampanyaya îmzayan kenê. Aştî psoresêko asan nîyo. Eke aştî asan bîbîyêne do dinya de şerî wina gird nêbîyêne. Di şerê giran dinya de qewimyayê. Nika ma verê şerê hîrêyin ê dinya de yê.”
Dima Hemverfekê HDK’î Alî Kenanogluyî metnê îmzayan wend. Alî Kenanogluyî metn de seba Serekîya Meclîsî ameyo hadrekerdiş wina va: “Seba polîkayanê ewleyîye yê heqê problemê kurd bi se hezaran merdim cuya xo dest dayê, dejê giran dayê. Problemê kurd paweyê çareserîya demokratîke, aştîyane û komelî yo. Ma eşkenê dest aştîye û pawitişê ameyoxê aştîye seba şar û bawerîyanê herême bikê. Seba naye yew serî de Meclîsê Mîletî yê Girde yê Tirkîya (TBMM) ma venga heme dormeya komelî û sîyasî, merdimanê bi hesretê cuyayêka seyyewbînan û azade danê ke seba pêrabesteyê aştîye bi berpirsîyarî têwbigêrê. Seba xelisyayişê tarîtîya şerî û xoresnayişê roşnî yê aştîye, ez zî îmza dana.”
