Platformê Sazgehanê Demokratîkan do 17ê êlule de bi sloganê “Seba heqê hêvî yê Rayber Apo ma ver bi aştî rayra şonê” Amed, Wan û Mersîn de rayîrşîyayîşanê girseyîyan organîze bikero.
Platformê Sazgehê Demokratîkî do 17ê êlule de bi sloganê “Seba heqê hêvî yê Rayber Apo ma ver bi aştî rayra şonê” Amed, Wan û Mersîn de rayîrşîyayîşanê girseyîyan organîze bikerê.
Rayîrşîyayîşo ke do Amed de bêro kerdene, saete 16:00 de vernîya Hepisxaneyê Tîpê E ê Amedî yê verênî de dest pêbikero û vernîya awanîya AZC Plaza de biqedîyo. Hemsereka Pêroyî ya Partîyan Herêman a Demokratîke (DBP) Çîgdem Kiliçgun Uçar do beşdarê rayîrşîyayîşî biba. Temsîlkarê sazgehan do rayîrşîyayîşî de “Heqê hêvî” yê Rayberê Şarê Kurdî Abdullah Ocalan û azadîya ey a fîzîkî biwazê.
Mêrsîn
Rayîrşîyayîş do 17ê êlule de Mersîn de bi waştişê bicaardişê qerarê DMME’yî yê derheqê Abdullah Ocalan de bêro kerdene. Rayîrşîyayîş do saete 19:00 de Parka Aştî ya qezaya Akdenîz de dest pêbikero. Rayîrşîyayîş do vernîya awanîya DEM Partî ya qezaya Akdenîz de biqedîyo. Hemserekê Pêroyî yê Partîyan Herêman a Demokratîke (DBP) Keskîn bayindir, parlamenterê DEM Partî û temsîlkarê rêxistinanê komelê sîvîl do beşdarê rayîrşîyayîşî bibê. Sîyasetmedaran vengdayîşê beşdarîya rayîrşîyayîşî kerd.
Wan
Wan de zî bi pêşengîya Platformê Kede û Demokrasî de bi eyn amancî do rayîrşîyayîşêko girseyî bêro kerdene. Temsîlkarê sazgehan do 17ê êlule de saete 17:00 de vernîya AVM’yî ya Wan de kom bibê û heta Qada Şaristanî rayra şêrê. Temsîlkarê sazgehan do rayîrşîyayîşî de caardişê “Heqê Hêvî” biwazê û biwazê ke Konseya Ewropa wezîfeyê xo bîyara ca.
