Têhetameyîşê ke Hemşaredarê Şaredarîya Amedî ya Şaristanê Girdî Dogan Hatun, heyetê Sazgeha Fînansê Mîyanneteweyî (IFC) ya Tirkîya reyde kerd, seba fînansmanê Projeya Sîstemê Asinrayîrê Sivikî gamê eyinî ameyî eştene.
Hemşaredarê Şaredarîya Şaristanê Girdî Dogan Hatun ke têkilîyanê xo yê Îstanbulî dewam keno, heyeto ke Serekê Ofîsê Tirkîya yê Sazgeha Fînansê Mîyanneteweyî (IFC) Selma Rasavac Avgadic, Mudira Herême Marieme Travaly û Berpirsîyarê Operasyonanê Tirkîya Fatih Avcî tede yê, înan reyde ame têhet.
Ekîbo teknîk do bêro Amed
Têhetameyîşo ke heyetê IFC ya Tirkîya reyde ame kerdene, tede seba fînansmanê Projeya Sîstemê Asinrayîrê Sivikî gamê eyinî ameyî eştene. Têhetameyîşî de seba fînansmanê Projeya Sîstemê Asinrayîrê Sivikî ya Amedî, prosesê nirxnayîşî do bilezabez destpêbikero û mizgînîya ke ekîbo teknîk yê IFC’yî do demêko kilm de bêro Amed, ameye dayene.
Têhetameyîşî de Serekê Daîreya Xizmetê Malî Ozlem Tekin û Serekê Daîreya Etut û Projeyan Murat Akbaş, Hemşaredar Hatun reyde bîyî.
