Komela Cigêrayîşanê Kurdî, NÇM û Dibistana Muzîkî ya Egîdê Cimo do 25ê gulane de bi munasebetê Roşanê Ziwanê Kurdkî şayî organîze bikero.
Komela Cigêrayîşanê Kurdkî, Merkezê Kulturê Mezopotamyayî (NÇM) û Dibistana Muzîkî ya Egîdê Cimo çarçewaya çalakîyanê 15ê Gulane Roşanê Ziwanê Kurdkî de 25ê gulane de Parka Yogurtçu ya Kadikoyî ya Stenbolî de şayîyêk organîze biekro. Şayî de do kay û fîlmî bêrê mojnayene, deyîrî bêrê gıoşdarîkerdene. Reyna do dengbêjî zî sehne bigîrê. Şayî de do bale biancê polîtîkayanê asîmîlasyonî ser o.
Reyna do şayî de waştişê bi hewayêko fermî perwerdeyîya kurdkî bêro kerdene.
Şayî de do Koroyê gedeyan ê NÇM’yî û Koma Gulên Mezra Botan sehne bigîrê. Koma Vejîne ya NÇM’yî zî do deyîranê xo vajo. Reyna do Dengbêjî sehne bigîrê, skeçê Kurdkî do bêrê pêşkêşkerdene û do kilmfîlmê Kurdkî bêrê mojnayene.
Amedakaranê şayî veng da her kesî ke wa bi cilûbelganê xo yê Kurdkî, bi werdanê keyeyî û gedeyanê xo reyde bêrê beşdarê şayî bibê.
