Hemserekê ESP’yî yê Pêroyî Murat Çepnî zî tede Stenbol de tewr kêm 300 kesî ameyê destbendkerdene.
Xeylê sendîka û sazgehê vengdayîşê Komîteya Amadekar a 1ê Gulane, bi munasebetê 1ê Gulane Roja Yewîye, Piştgirî û Têkoşînî waşt ke bikewê qada Taksîmî. Polîsê ke destûr nêda, hêrişê girseyî kerd.
Şûbeya Komela Huqûqnasanê Hemdem (ÇHD) dîyar ked ke nêzdîyê 300 kesî ameyê destbendkedene. Mîyanê kesanê destbendkerdeyan de Hemserekê ESP’yî yê Pêroyî Murat Çepnî, avûqat Rojhat Tunç, Saruhan Efe Kadaîfçî, Lutfî Sabrî Batî, Arkîn Hurtaş û Yunus Emre Işik zî ca gênê.
Endamanê Înşaat-Îş’î ke seba ver bi Taksîmî rayra şêrê ameyê Mecîdîyekoy, ameyê destbendkerdene.
Ciwanî ke waştêne ver bi Taksîmî rayra şêrê bi sloganî “Destbendkerdiş, girewtiş û zilm nêeşkenê ma bêçare veradê” vera hêrişê polîsan reaksîyon mojna. Ciwanî ke bi sloganî “Qada Taksîmî qada 1ê Gulane ya” vat, destê înan pey ra ameyê kelemçekerdene û ameyê destbendkerdene.
Endamê ESP û SOLDEP’i ameyê Qada Şîşlîyî û uca de ameyê destbendkerdene.
