Humermenda kurde Tara Mamedova Amed de konserêko bi heybet da. Tara Mamedova konser de qisey kerd û vat: “Wa endî Rojîn, Gulîstan û Narînî nêmirê! Wa na tarîtî bi qedîyo.”
Humermenda kurde Tara Mamedova merkezê kongre ya ÇandAmed de konser da. Rayber û temsîlkarê sazgehanê sivîlî, sîyasetmedar Çetîn Arkaş, keyeyê Rojîn kabaîş û xeylê heskerdoxê hunerî tewrê konserî bîyê. Amadebîyayîşê temsîlkaranê komelî dano mojnayene ke muzîkê Tara Mamedova wexto ke deyîrê xo yê neweyî “Navê min têkoşîn e” û “Leyla” vatî, salone de hewayêko cîya virazîya. Girseye ke bî îradeyê cinî û xoverdayîşî heta peynî konserî bi yew vengî deyîrî pîya vatî. Tara Mamedova bi performansê xo ya sehnî ser û têkilîya xo ya germ e bi goşdaran ra şewêka weş e û tarîxî hunerî yê şaristanî de neqiş kerde.
Tara Mamedova qiseykerdişê xo de cinîyê ameye kiştene vîr ardî û no vengdayîş kerd: “Wa endî tu Rojîn, Gulîstan û Narînî nêmirê! Wa na tarîtî bi qedîyo.”
Hunermend Tara Mamedova bale ante serê parka ke qezaya Yenîşehîr de bi nameyê Rojîn Kabaîş ameya akerdene. Tara Mamedova şarê Amedî dawetê akerdişê parke kerd û wina vat: “Siba ma do Yenîşehîr de bê. Ma do seba vîrardena Rojîn uca de bê.”
Peynî konserî de temsîlkarê Meclîsê Cinîyan qevdêke vilî û formaya Amedsporî dîyarî Tara Mamedova kerd.
