Hemsereka Şûbeya SES ê Amedî Yildiz Ok Orakî verba xebatkaranê weşîye ke Awbendê Tişrînî ser o benê hedef reaksîyon mojna û va ke nê hedîseyî “sucê şerî” yê
Awbendê Tişrînî yê Vakur û Rojhelatê Surîye de hêrişê girdî ke 8ê kanûne de dest pêkerdî dewam kenê. 8ê çele de seba pawitişê Awbendê Tişrînî çalakîya nobetî dest pê kerde. Tirkîya û grûbê paramîlîterî yê girêdayeyê aye hêrişî çalakgiran kena. Hêrişanê hewayî yê Tirkîya û grûbanê paramîlîteran ra 8ê kanûne ra nat mîyan de rojnameger, hunermed û sîyasetmedarî zî est ê, 26 kesê sîvîlî cuya xo vîndî kerd û tewr tay 227 kesî birîndar bîyî. Hêrişan de heta nika zaf ambulansî zî bîyê hedef. 2 ambulansî bi temamî xeripîyayî û 3 xebatkarê weşîye zî cuya xo vîndî kerde.
Hemsereka Şûbeya SES ê Amedî Ok Orakî va ke hedefgirewtişê sîvîlan û xebatkaranê weşîye verba huqûqê şerî yo û îlawe kerd: “No wexto de ke çareserîya meseleyê kurdan yeno tehlîlkerdene hêrişê winayênî benê sebebê bêbawerîye. Sîvîlî û xebatkarê weşîye ganî her ca de bêrê pawîtene û ganî her kes goreyê qanûnanê şerî têbigêro.”
