Rêxistina DEM Partî ya Elbakî vera îşkenceyê polîsan ê vizêrî de 3 ciwanê birayê yewbînî bîyê kerdbî seba ey rayîrşîyayîş ame viraştene û waşt polîsê sucdarî bêrê ceza kerdene.
Qezaya Elbakî ya Wanî de vizêrî polîsan 3 ciwanê bi nameyê Fatîh, Îsmaîl û Dîyar Deger ke birayê yewbînîyê bi hawayêk teberê qanûnî de destbendkerdî û ameyê îşkence kerdene. 3 ciwanê ke amebî îşkencekerdene dîyar kerd ke înan polîsê sivîlî semedê ke goreyê qaydeyê trafîkî tênêgêrayê hişyar kerdê û polîsan zî dayo înan ro. Badê serebûtî ciwanî keyeyê xo reyde şîbî nêweşxane û rapoê pirodayîşî girewtbî û da zanayeneke ey do derheqê polîsan de gerre bikerê.
Rêxistina DEM Partî ya Elbakî zî ewro seba ke 3 birayî amebî îşkencekerdene bi çalakîyêke protesto kerd. parlamenterê DEM Partî yê Wanî Mahmut Dîndar û rayberê DEM Partî û DBP’î yê Elbakî bi tewrbîyayîşî welatijan merkezê qezaya Elbakî de rayîrşîyayîş viraşt û eşkerayîyêk da. Eşkerayî de ame dîyar kerdene ke ey do şopdarê hedîse bê û waşt ke polîsê sucdarî bêrê cezakerdene.
