Hemşaredaranê Şaredarîya Amedî ya Şaristanê Girdî Serra Bucak û Dogan Hatun, Walîyê Hewlêrî Omîd Xoşnaw, Walîyê Dihokî Dr. Elî Tatar û heyetêkê akademîsyenî pêşwazî kerdî.
Walîyê Hewlêrî Omîd Xoşnaw û Walîyê Dihokî Dr. Elî Tatar ke çarçewaya “Forumê Aştî û Azadîya Komelkî” de ameybî Amed, heyetêkê akademîsyenan Hemşaredaranê Şaredarîya Amedî ya Şaristanê Girdî Serra Bucak û Dogan Hatunî zîyaret kerd.
Heyet hetê Hemşaredar Serra Bucak û Dogan Hatunî ame pêşwazîkerdene. Dimayê pêşwazîkerdişî, hemşaredaran heyetî reyde pêvînayîşêko taybet kerd. Hemşaredaran dîyar kerd ke tewrbîyayîşê walîyan ê forumî û nê zîyaretê paştîdayîşî seba înan zaf muhîm ê. Hemşaredar Serra Bucak wina vat: “Gama ke ma vanî aştî û azadîya komelkî, ma behsê aştî, waûbirayî û cuya pîya ya mîyanê xo kenî. Ma her tim pawitişê nêê ferasetî kenî ke yewîtî û paştîdayîşê kurdan merkezê xo de vînenê.”
Pêvînayîşî de her wina rayberîyanê herêmîyan û hedîseyanê rojaneyan de erjnayîşê dihetî ameyî kerdene.
