Wan de rojnamegerî, sîyasetmedarî, avûkatî û welatîjî mîyan de zêdeyêrî 100 kesî bi kuyayîş ameyî destbendkerdiş.
Badê ke cezaya zîndanî Hemşaredarê Şaristanê Girde yê Wanî Abdullah Zeydan ame birnayîş, şaredarîye de çalakîya nobete ameye organîzekerdiş. Roja 5ine ê çalakîya nobete de saete 04:00ine de bi seyan polîsan awanîya şaredarîye ablûqa kerdî. Çalakîkerî berê şaredarîye polîsan rê padayî, polîsan bombayê gazî eştî şaredarî, ber û pencereyê awanî şikinayî. Polîsan mîyan de sîyasetmedar û xeylêk rojnamegeran destbend kerdî.
Sereştişê polîsan de mûxabîra JINNEWS’î Rabîa Onver, mûxabîrê Ajansê Mezopotamya (MA) Bîlal Babat û Mehmet Guleş, rojnamegere Medîne Mamedoglu, Behçet Bayhan û Ruşen Takva mîyan de zêdeyêrî 100 kesî destbend bîyî.
Rojnamegerî, sîyasetmedarî, avûkatî û welatijê ke ameyî destbendkerdiş semedê muaneyî berdî Merkezê Tibî yê Dursun Odabaşiy ê Unîversîteya Yuzuncu Yilî.
