Bi hezaran welatijanê qezaya Milazgirî ya Mûşî de bi coşêko pîl Qada Newroze de kom bîyê û Roşanê Newroze heme şarê kurdî rê pîroz kerd. Welatijê ke tewrê Newroze bîyê waşt ke na Newroze biba Newroza Azadîye.
Roşanê Newroze 14 merkezanê Vakûrê Kurdîstanî de bi sloganî “Raybero Azad Komelo Demokratîk” yeno pîrozkerdene. Nê merkezan ra yew zî qezaya Mûşî Milazgîr bî. Milazgîr de zî bi hezaran welatijî qada Newroze de kom bîyê û roşanê Newroze bi coşêko pîl pîroz kerd. Welatijê ke tewrê Newroza Milazgirî bîyê, waşt ke na Newroze seba heme şarê Kurdî biba Newroza aştî û azadî. Welatijan waşt ke adirê Newroze heme dinya roşnî bikero û na Newroze biba Newroza azadîya şarê Kurdî.
