Koma ji şêniyên Kantonên Reqa, Tebqa û Dêrezorê pêk dihat nobeta parastina Bendava Tişrînê dewrî koma şêniyen Kantona Firatê kir.
Koma ku ji şêniyên Reqa, Tebqa û Dêrazorê pêk tê, du hefte ne li Bendava Tişrînê nobetê digirin û li ber xwe didin. Komê, bi daxuyaniyekê nobet dewrî koma şêniyên Kantona Firatê kirin. Komê di daxuyaniyê de ewil şehîdên Helebceyê bi bîr anîn û destûra Sûriyeyê nû şermezarkirin. Daxuyanî wiha ye: “Em weke gelê Reqa, Tebqa û Dêrezorê em berxwedanî û Nobeta li Bendava Tişrînê dewrî xelkê Kantona Firatê dike. Em şehîdên Helebceyê bi bîr tînin û bejna xwe li ber bîranîna wan ditewînin. Îro jî careke din hikumeta demkî ya Sûriyeyê bi destûreke nû dixwazin destûra Sûriyeyê ku berê tenê yek al, ziman û netewe bû lê niha dîsa heman wê destûrê xwe raber dike. Em jî weke gelê Bakur û Rojhilatê Sûriyeyê wê destûrê şermezar dikin û em red dikin. Ew temsîla gelan û me nake.”
Komê nobet bi dirûşmeyan dewrî koma nû kir. Koma şêniyên kantona Firatê piştî nobet dewir girt, bi dirûşmeyan şêniyên Reqa, Tebqa û Dêrazorê oxir kir.
