Amed – Komaleya Jinan a Rosayê ya li Amedê bi dirûşma “Bi jin jiyan azadiyê ber bi avakirina aştiyeke birûmet ve” kongreya xwe ya 4emîn li dar xist.
Komeleya Jinan a Rosayê Kongreya xwe ya 4emîn li Eywana Konferansê ya Alî Emîrî ya Şaredariya Bajarê Mezin a Amedê li dar xist. Di tevî serokên berê yên komeleyê rêveberên jin ên partiyên siyasî û gelek nûnerên jin ên saziyên civakî yên demokratîk beşdarî komgreyê bûn. Di kongreyê de xebatên 8 salan hatine kirin hatin parvekirin û rêveberiya nû hate hilbijartin.
Kongreya bi dirûşma “Bi jin jiyan azadiyê ber bi avakirina aştiyeke birûmet ve” hate lidarxistin û di kongreyê de mijarên têkildarî rewşa jinan, pêvajoya aştiyê, mafên jinan û di avakirina aştiyê de rola jinan hate nîqaşkirin.
Têkoşîna hevpar
Kongreyê ji bo rêz girtin û nîşandana sînevîzyonê dest pê kir. Ser navê Komeleya Rosayê Suzan Îşbîlen axivî. Suzan İşbîlen bal kişand ser pêvajoya ku Rêberê Gelê Kurd Abdullah Ocalan bi navê “ Aşti û Civaka Demokratîk” daye destpêkirin û wiha got: “Em ê bi hev re, gav bi gav wê têkoşînê hevpar bikin, em ê nesekinin.”
‘Em ê bi hev re bimeşin’
Endama TJAyê Ayla Akat Ata ser navê TJAyê axivî. Ayla Akat Atayê dîyar kir ku ew ê têkoşînê bi gotina Abdullah Ocalan ya “heta jin azad nebe, civak azad nabe” didomînin û ev tişt gotin: “Em ê bi ronahiya jinên berxweder yên rojavayê Kurdistanê re, vê rêyê bi hevre bimeşin.”
‘Em ê bibin deng û daxwazên jinan’
Zeynep Sîpçîk a ji bo serokatiya nû ya komeleyê hatiye hilbijartin jî axivî û wiha got: “Dema dibêjin Rosa, berxwedana jinê tê bîra mirov. Di pêvajoyekê de xwastin dengê jinan bidin tepisandin. Hêvî dikim em ê bibin deng û daxwazên jinê. Me ev bersiyarî hilda ser milê xwe.”
Di kongreyê de şertên giran ên jiyana jinan, têkoşîna wan a civakî û siyasî û rêbazên ji bo têkoşîna pêşerojê hatin nîqaşkirin. Jinan êrişên Rojhilatê Kurdistanê û Îranê hatin şermezarkirin. Komeleya Rosayê çalakiyên xwe yên salekê, eşkere kir.
Kongre bi berzkirina dirûşma “Jin Jiyan Azadi” bi dawî bû.
