Amed – Bi hezaran welatî tên mitînga “Aştî û Azadiyê” ya li Amedê. Li qada mitîngê welatî hêdî hêdî dicivin û dirûşman berz dikin.
Rêxistinên DEM Partî û Partiya Herêmên Demorkatîk (DBP) ên Amedê bi dirûşma “Ji bo aştî û azadiyê” li Qada Îstasyonê ya Amedê mitîngekê li dar dixin. Qada mitîngê bi alên DBPê û DEM Partiyê hatiye xemilandin. Her wiha pankartên bi nivîsên “Dema serkeftin û azadiyê ye”, “Cinî cuye azadî”, “Dem deme cu cenî azadeyo” û “Dem dema jinan e” hatine daliqandin. Ji sê baskan ve xelk tê mitîngê. Welatî di lêgerînên polîsan de derbas dibin. Li qadê welatî civiyan e.
Her wiha wê ji gelek bajar û navçeyên bakurê Kuristanê welatî û siyasetmedar tev li mitîngê bibin.
Bi pêşengiya TJAyê dê ji ber Hotêla Prestîj heta qada mitîngê meşek girseyî bê lidarxistin. Li qadê hêdî hêdî welatî dicivin û dirûşmên aştî û azadiyê qîr dikin. Ji sê baskan ve bi hezaran welatî tên mitîngê.
Hevserokê Giştî yê DEM Partiyê Tuncer Bakirhan, Hevseroka Giştî ya DBPê Çîgdem Kiliçgun Ûçar, Dayikên Aştiyê û TJA dê di mitîngê de axaftinan bikin. Her wiha Kolektîfa Rîtmên Azad a Navenda Çanda Bihar a Batmanê jî dê derkeve ser dikê û stranan bêje.
Hatina welatina a qada mitîngê berdewam dike.
