Li Eyaleta Utah ya Amerikayê li bajarê Salt Lake yê di encama êrişeke çekdarî de herî kêm 2 kes hatin kuştin û 6 kes jî birîndar bûn.
Li gor agahiyên medyaya Amerîkayê; li bajarê Salt Lakeyê yê ser bi eyaleta Utahê ve êrişek pêk hat. Êriş li dijî dêra ku li navnîşana 660 North Redwood Rodadê bû, pêk hat û di encama êrişa çekdarî pêk hat de herî kêm 2 kes hatin kuştin û 6 kes jî birîndar bûn.
Di agahiya destpêkê de hat gotin ku li bajarê Salt Lakeyê li dij dêrê êriş pêk hat û di encama vê êrişê de herî kêm 8 kes birîndar bûn. Lê li gor agahiyên ku paşê hatin dayîn hat gotin ku ji bîrîndaran 2 kesan jiyana xwe ji dest dan û herî kêm rewşa sê ji birîndaran jî giran e.
Hat zanîn ku tu kes ango tu gumanbar ji bo vê êrişê nehatiye girtin. Lê li gorî rayedarên ewlehiya bajarê Salt Lakeyê derbarê êrişê de daneyên mîsoger bidest xistine.
FBI: Haya me jê heye
Saziya îstîxbarata Amerîkayê FBIê di ser medya xwe ya dijîtal de diyar kir ku derbarê êrişa çekdarî ya li bajarê Salt Lakeyê pêk hatiye haya wan jê heye.
