Li Bismil û Giyadînê pîrozbahiya Newrozê bi coş dest pê kir. Li qada Newrozê dirûşmeyên “Bijî Newroz”, “Bijî Serok Apo” berz dibe.
Îro newroz li 9 navendan tê pîrozkirin. Yek ji van navendan jî navçeya Giyadîn û Bismil e. Bi hezaran welatî li qadên Newrozê kom bûn û dest bi pîrozbahiyê kirin.
Bismil
Pîrozbahiya Newrozê ya li navçeya Bismilê ya Amedê bi dirûşmên “Rêbertiya Azad Civaka Demokratîk” û “Ji bo Azadiyê Newroza Civaka Demokratîk” dest pê kir. Ji bo pîrozbahiya li kêleka Otogara Bismil, gelê navçeyê di saetên serê sibê de bi cil û bergên xwe yên neteweyî derbasî qadê bûn. Li qada Newrozê ku ji 7 heta 70’ê salî her kes lê kom bûn, dirûşmeyên “Bijî Newroz” û “Bijî Serok Apo”tên berzkirin. Bi sedan kesên ku li qadê kom bûn Newroza xwe bi govendê pîroz dikin. Di pîrozbahiyê de Koma Dilzar û Hunermend Azad Bedran dê derkevin ser dikê û Parlamenterê Amedê yê Partiya Wekhevî û Demokrasiyê (DEM Partî) Serhat Eren weke axaftvan beşdar bibe.
Giyadîn
Li navçeya Giyadîn a Agiriyê jî Newroz bi tevlêbûna hezaran kesan tê pîrozkirin.
Pîrozbahiya Newrozê ya li navçeya Giyadîn a Agiriyê bi dirûşmên “Rêbertiya Azad Civaka Demokratîk” û “Ji bo Azadiyê Newroza Civaka Demokratîk” dest pê kir. Ji bo pîrozbahiya bi hezaran welatî herikîn qadê û li dora agir govend gerandin. Gel bê navber dirûşma “Bijî Newroz berz dike.”
