Pîrozbahiya Newrozê li gund û taxên navçeya Bismilê berdewam dike. Duh bi şev jî welatiyan li taxan agirê Newrozê geş kir.
Li gund û taxên navçeya Bismila Amedê pîrozbahiya Newroza “Rêbertiya Azad, Civaka Demokratîk” berdewam dikin. Duh bi şev jî Komîteya Amadekar a Newrozê li navenda Bismilê agirê Newrozê pêxist û welatî tev li şahiyê bûn. Rêveberên DBPê, DEM Partiyê, endamên Meclisa Şaredariya Bismilê û gelek welatî di pîrozbahiyê de amade bûn. Bênavber dirûşmên wek “Bijî Serok Apo”, “Bijî Newroz”, “Bijî Berxwedana Rojava” hatin berzkirin.
Welatiyan li ber def û zirnê govend gerandin û derdor bi agirê Newrozê germ bû. Endamê Komîteya Amadekar a Newroza Bismilê Şakîr Çelîk axivî û bal kişand ser girîngiya Newrozê û got ku Newroza îsal ji bo pirr girîng e û xwest xelkê Bismilê tev li pîrozbahiya Newroza Amedê bibe.
