Endam û rêveberên DEM Partî, DBP, TJAyê li taxa Şex Şamîl a navçeya Rêzan a Amedê kom bûn û agirê Newrozê geş kirin. Şêniyên taxê bi dirûşma “Bijî Serok Apo” li dora agir govend gerandin.
Ji 12ê Adarê heta niha her şev li gund, tax û navçeyên bajarên Kurdistanê agirê Newrozê geş dibe. Gel her şev li dora agir kom dibin û bi dirûşme û stranan li dora agirê Newrozê govendê digerînin. Gel bi agirê Newrozê şevê ronî dikin û xwe di ser agir re davêjin. Îşev jî li taxa Şex Şamîl a navçeya Rêzan a Amedrê jî agirê Newrozê geş bû. Nûner û rêveberên DEM Partî, DBP û TJAyê li taxê kom bûn û şahiya Newrozê li dar xistin. Di pirôzbahiyê de hevseroka DBPê ya Amedê Sûltan Yaray, rêveberên DEM Partî, DBP û TJAyê gelek welatiyên Amedê tevlî bûn.
Piştî şênişên taxê kom bûn, şêniyan agirê Newrozê geş kirin. Şêniyan di pîrozbahiyê de dirûşkmeyên “Bijî Serok Apo”, “Newroz Pîroz be” berz kirin. Şêniyan piştî agirê Newroz pêxist, li dora agirê Newrozê govend gerandin. Ciwanan bi fîşekên havayî tarîya şevê ronî kirin û xwe di ser agir re avêtin.
