Li Paytextê Hindistanê Yenî Delhiyê bi çalakiyekê Komploya 15ê Sibatê hate şermezarkirin û azadiya Rêberê Gelê Kurd Abdullah Ocalan hate xwestin.
Komek welatiyên Hindî bi armanca şermezarkirina Komploya Navneteweyî ya 15ê Sibatê çalakî pêk anî. Di çalakiya li paytextê Hindistanê Yenî Delhiyê pêk hat de komek welatiyan pankarta, “Ji Rêberê Kurd Abdullah Ocalan re mafê hêviyê. Mandelayê Rojhilata Navîn ev 27 sale di girtîgeha Tirkiyê de ye” vekir, daxwaza azadiya Abdullah Ocalan anî ziman. Her wiha li ser pankartê ligel wêneya Mohandas Karamçand Gandhî wêneya Rêberê Gelê Kurd Abdullah Ocalan jî hate vekirin. Endamê Parlementoya Hindistanê yê berê Aneel Prasad Hegde jî axatinek kir û Komploya 15ê Sibatê şermezar kir û daxwaza azadiya Abdullah Ocalan kir.
