Li Îranê ku bi mehan e serhildan û zordariyên rejîmê yên li hemberî serhildêran berdewam dike, gelek teqînên bi guman pêk hatin.
Li Îranê ku bi boneya zext û zordariyên li ser gelan û rageşiya bi DYA û Îsraîlê re di nav tevliheviyek mezin de ye, li deverên cuda gelek teqînên bi guman pêk hatin. Li gorî dîmen û agahiyên çavkaniyên herêmî ragihandin li herêma Parandê ya peytext Tehranê têqinek mezin pêk hat. Li gorî agahiyan di encama teqînê de avahiyek bi tevahî hilweşiya.
Li Bender Abbas teqîn
Di dîmenên çavkaniyên ji Îranê parvekirin de li Bender Abbasê jî teqînek pêk hat û di encamê de avahiyek hilweşiya. Nehate zanîn ka avahî saziya dewletê ye an na. Hate zanîn ku demek kin piştî teqîna li Bender Abbasê li herêma Şarîarê jî teqînek bi heman rengî pêk hatiye. Çavkaniyan ragihand ku li nêzîk goristana bajarê Karajê jî di seatên piştî nîvro de teqîn çê bûye.
Angaşta sûîkastê
Hind karînerên medyaya sanal û malperên çapemeniya mûhalîf a Îranê bi bîr xistin ku berê Şerê 12an ê Îran û Îsraîlê jî teqînên bi heman rengî pêk hatine û angaştin ku di van teqînan yekê de fermandarek Hêzên Deryayî ya Mihafizên Şoreşê ya Îranê hedef hatiye girtin.
Trump gef xwaribûn
Serokdewletê Dewletên Yekbûyî yên Amerîkayê (DYA) Donald Trump duh di daxuyaniyekê de gef li Îranê xwaribûn û diyar kiri bû wî demek daye Îranê bes tenê Îran dizane.
