Gerînendetiya Park û Baxçeyan a Şaredariya Peyasê diyar kir ku di demên dawî de bankên rûniştinê û qadên bêhnvedanê yên li parkan têne şewitandin. Gerînendeyê ji welatiyan xwest ku xwedî li parkan derkevin.
Gerînendetiya Park û Baxçeyan a Şaredariya Peyasê daxuyaniyek belav kir û diyar kir ku di demên dawî de bankên rûniştinê û qadên bêhnvedanê yên li parkan bi awayekî xerab têne bikaranîn û şewitandin. Gerînendetiyê bang li welatiyan kir ku xwedî li parkan û cihên bêhnvedanê derkevin. Gerînendetiyê da zanîn ku ev bûyerên xerab di demên dawî de zêde bûne û wiha got: “Bi taybetî, li Parka Çinarê ya li tenişta Mizgefta Hz. Elî li Taxa Medyayê, bankên rûniştinê yên li qadên bêhnvedanê di saetên şevê de ji aliyê kesên nenas ve hatine şewitandin û çop li dora wan hatine belavkirin. Ji bo ku welatî qadên şîn bi awayekî ewle û bê pirsgirêk bikar bînin, kedeke mezin tê dayîn. Ji ber van bûyerên şewitandinê, em bang li welatiyan dikin ku xwedî li park û qadên bêhnvedanê derkevin û di bûyerên bi vî rengî de demildest şaredariyê agahdar bikin.”
