SOHRê rapor û daneyên encamên êrîşên hikûmeta Şamê yên li dijî Siwêdayê ku ji 13ê Tîrmehê ve dane destpêkirin parve kir. Li gorî raporên SOHRê ji 13ê Tîrmehê heta niha hezar û 490 kes hatin kuştin.
Navenda Çavdêriya Mafên Mirovan a Sûriyeyê (SOHR) ragihand ku 12 jê jin 95 Durzî ji aliyê hêzên girêdayî hikumeta Şamê ve li meydanan hatin kuştin. Li gorî SOHRê, ji 13ê Tîrmehê heta niha hejmara kesên di êrîşên hêzên girêdayî Şamê ve hatin kuştin gihişt hezar 490 kesan. Li gorî raporê piraniya kesên hatin kuştin Durzî ne, ji wan 765 kes li qadan hatin kuştin.
Bîlanço bi vî rengî ye:
725 şêniyên Siwêdayê ku piraniya wan durzî ne hatin qetilkirin. Ji vê hejmarê re di nav de 21 zarok û 57 jin, bi giştî 167 sivîl li meydanan hatin qetilkirin.
Di nav de 40 ji şêniyên eşîrên bedewî, çekdarekî Lubnanî, 477 endamên wezareta parastinê û ewlehiya giştî hatin kuştin.
15 endamên wezaretên parastinê û hundirîn di êrişên Îsraîlê de hatin kuştin.
Di bombebarana Îsraîlê ya li dijî avahiya wezareta parastinê ya hikumta Şamê de yek jê jin du kesên nenas hatin kuştin.
Di şerê li Siwêdayê de 2 rojnamevan hatin kuştin. 69 jê jin, 15 zarok û kesekî bi temen di nav de 765 welatiyên Durzî hatin qetilkirin, 20 xebatkarên tenduristiyê yên nexweşxaneya Wetanî ya Siwêdayê bi guleyên endamên wezaretên parastin û hundirîn hatin qetilkirin.
Ji eşîrên bedewî, jinek û zarok di nav de 3 kes li qadan bi guleyên çekdarên Durzî hatin qetilkirin.
