Hevserokê MEBYA-DERa Wanê Yusuf Dundar bi hinceta “li dijî polîsan li ber xwe daye” hat girtin.
Hevserokê MEBYA-DERê yê Wanê Yusuf Dundar ku duh li navenda bajêr hatibû binçavkirin, bi tohmeta “li dijî polîsan li ber xwe daye” hate girtin. Yusuf Dundar duh li nanenda bajêr hatibû biçavkirin û di wesayitê de ji aliyê polîsan ve hatibû derpkirin. Ji bo kontrolkirina tenduristiyê Yusuf Dundar birin nexweşxaneya leşkerî ya kevin ku niha girêdayî Nexweşxaneya Herêmê ya Wanê ye. Li vir tevî ku Yusuf Dundar ji bijîşk re gotiye ku polîsan li wî daye û di ser û laşê wî de şop hene, lê bijîşk lênenêriye û rapora lêdanê nedane.
Yusuf Dundar ku îro îfadeya wî ya li Midûriyeta Polîsan bi dawî bû, sewqî dozgeriyê hat kirin û dozger bi tohmeta “li dijî polîsan li ber xwe daye” bi xwesteka girtinê sewqî Dadgeha Ceza ya Noberdar kir. Dadger, bi heman hincetê biryara girtina Yusuf Dundar da.
Parêzerên Yusuf Dundar giliyê bijîşkê ku rapor nedaye û polîsên li miwekîlê wî dane, kir.
