Bi dronên bombebarkirî êrîşî bîrên petrole yên li navçeya Zaxo ya Duhokê ya başûrê Kurdistanê hate kirin.
Li gorî nûçeya Rojnewsê ya xwe spartî çavkaniyên herêmî, danê sibê bi dronên bombebarkirî êrîşî bîra petrolê ya li Pêşxabûr a li Îdareya Zaxoyê hatiye kirin. Di heman demê de droneke din jî êrîşî bîra petrolê ya DNO ya li Tawkêya li Zaxoyê jî kiriye.
Tê gotin di encama êrîşan de ziyanên madî çêbûne. Heya niha nayê zanîn ev êrîşên li ser bîrên petrolê yên Herêma Kurdistanê ji aliyê kê ve têne kirin. Hêjayî gotinê ye Kompanyaya DNO kompanyayek neftê ya Norveçêye û bîrên petrolê yên li Tawkê û Pêşxabûr yên li Zaxoyê bi rê ve dibe.
Duh danê sibê jî bi rêya balafirên bêmirov û xwekuj, êrîşî bîra petrolê ya li Etrûş ya ser bi bajarokê Şêxan ya ser bi Duhokê hatibû kirin.
