Merdin – Goristana endamên PKKê ya li Heciyan a li Nisêbînê bi destê leşkeran hat hilwşandin. Niha malbat dixwazin kêliyên gorên zarokên xwe çêkin, lê leşker destûrê nadin restorekirinê.
Di 15ê Tebaxa 1984an de gerîlayên Partiya Karkerên Kurdistanê (PKK) li navçeya Dihê ya Sêrtê çalakiya yêkemîn a çekdarî pêk anîn. Di ser çalakiyê re 41 sal derbas bûn. Di van 41 salan de gelek kesan di şer de jiyana xwe dest dan. 17 hezar mirov ji aliyê endamên JÎTEMê û hîzbî Kontra ve hatin kuştin. Hin caran di şer de endamên PKKê ku jiyana xwe ji dest dan, ji aliyê leşkeran ve bi komî hatin veşartin. Gelek gundî hatin revandin, kuştin û bi komî hatin veşartin. Piştre malbatan ji bo zarokên xwe gor û goristan çêkirin. Lê dîsa leşkeran êrîşî van gor û goristanan kir û kêlên goran şikandin.
Kêlên goristana Heciyan şikandin
Li herêma Mêrdînê gelek caran di navbera endamên PKKê û leşkeran de şerê dijwar qewimîn. Herêma Mêrdînê bi taybetî Çiyayê Bagokê gelek caran bû şahidê berxwedana endamên PKKê. Di şerê li Çiyayê Bagokê de bi sedan gerilayên PKKê jiyana xwe dest dan. Malbatan cenazeyên gerîlayên PKKê li goristana Heciyan a navçeya Nisêbînê kom kirin û goristanek ava kirin. Lê leşkeran êrîşî goristanê kirin û kêlên goran tev şikandin. Piştî 2015an OHAL dîsa hat îlankirin û gelek qad hatin qedexekirin. Di vê pêvajoya OHALê û qedexeyan de leşkeran gelek gor û goristan rûxandin. Yek ji van goristanên hatin rûxanin jî Goristana Heciyan a Nisêbînê ye. Li goristanê bi sedan gorên ku beriya OHALê hatibûn avağkirin, di pêvajoya OHALê de tev hatin rûxandin û kêlên goran tev hatin şikandin. Ji ber ku hemû kêlên goran ên ku navê gerîllayên PKKê li ser hatibûn nivîsandin, hatine şikandin, êdî malbat gorên zarokên xwe nas nakn. Malbatên ku niha dixwazin goristanê û gorên zarokên xwe ji nûve restore bikin, dîsa rastî astengî û qedexeyên dewletê tên û nikarin gorên zarokên xwe nû bikin.
