MEBYA-DERa Amedê têkildarî mitînga “Hêvî û Azadiyê” ya ku dê di 4ê Çileya 2026an de bê lidarxistin li avahiya xwe daxuyaniyek da û got: “Azadiya Serokatî azadiya gelan e ku bi awayek pratîk di jiyanê de pêk tê.”
Komeleya Piştevanî û Alîkariyê ya Malbatên di Dergûşa Şaristaniyê de Xizmên Xwe Winda Kirin (MEBYA-DER) li avahiya xwe ya li navçeya Peyasê ya Amedê têkildarî mitînga “Hêvî û Azadiyê” ya ku dê di 4ê Çileya 2026an de li Qada Îstasyonê bê lidarxistin daxuyanî da çapemeniyê. Di daxuyaniyê de endam û rêveberên MEBYA-DERê, Dayikên Aştiyê û rêveberên gelek saziyan tev li bûn. Beriya daxuyaniyê ji bo kesên d têkoşîna azadiyê de jiyana xwe ji dest dane rêz hate girtin. Piştî rêzgirtinê dirûşmeyên “Bijî Serok Apo”, “Şehîd namirin” û “Jin Jiyan Azadî” hatin berzkirin.
Metna daxuyaniyê ya bi Kurdî Rêverberê MEBYA-DERê Hayrettîn Guner û ya Tirkî jî Hevseroka MEBYA-DERê Gurbet Sevîktek xwend.
Metna daxuyaniyê bi vî rengî ye:
“Em hemû şehîdên ku li ser vê axê ji bo azadî, rûmet û jiyana hevpar a gelan, jiyana xwe winda kirine, bi rêzdarî bi bîr tînin. Girêdana me bi bîranîna şehîdên şoreşê, biryara me ya avakirina civakeke demokratîk û aşîtîyê diyar dike. Em îro li vir civiyan ne tenê ji bo bîranîna êşên derbas bûne ne. Her wiha ji bo ku edalet, azadî û hêviyê bi awayekî civakî ji nû ve ava bikin. Her roja ku bi nebûna wan ên ku em winda kirine derbas dibe. Di wijdana civakî de birînên kûr dihêle. Em bawer in ku ev birîn tenê bi rastî, edalet û demokrasiye dikare bê sar kirin. Her wiha em îro li ser banga ‘Aşîtî û Civaka Demokratîk’ a 27ê Sibatê, di pêvajoya avakirina aştiya demokratîk de ne. Em di demeke dîrokî de derbas dibin ku dikare dawiya şer û pevçûnan bîne. Em hêvî dikin ku ev aştî demokrasî, azadî, hemwelatiya wekhev û rêzikên qanûnî yên pêwîst pêk bîne. Li cihê ku mafê jiyanê nayê parastin, nikare behsa azadiyê bê kirin. Demokrasî tenê di şertên ku maf û azadiya bingehîn têne ewlekirin de wateya xwe ya rastîn dibîne. Çareseriya demokratîk a pirsgirêka Kurdî salên dirêj tê paşxistin. Lê her kes dizane ku ev pirsgirêk xwedî yek muhatab e.
Azadiya Serokatî azadiya gelan e
Sîstema tecrîdê ya ku qanûnê li dar dixe, ne tenê bi yek kesî, li hemû civakê bandor dike. Ji ber vê yekê daxwaza Azadiya Serokatiyê ye. Ne daxwazeke kesane ye, daxwazeke civakî, siyasî û dîrokî ye. Rêya aştî û çareseriya demokratîk ji rakirina sîstema tecrîdê derbas dibe. Ji vê rastiyê re, em mîtîngeke li dar dixin. Ji bo ku Azadiya Serokatî pêk bînin. Ev mîtîng ne çalakiyeke asayî ye, bi Azadiya Serokatî re bi taybetî gelê Kurd û her wiha herêmê ji şer û tundiyê rizgar bike. Hêviya me mîtînga ‘Azadî û Hêvîyê’ ya xwe azadiyê ye. Azadiya Serokatî azadiya gelan e ku bi awayek pratik di jiyanê de pêk tê. Ji ber vê yekê, pêwîst e ku beşdariyeke bi hêz, mîtîngeke bi hêz pêk bê. Divê ev mîtîng hêz, îrade û kudreta civakî ya ku dikare rê li ber sala 2026an veke bi zelalî nîşan bide. Bi taybetî dayik, bav, xwişk û birayên şehîdan, gelê Kurd, hemû hêz û kesên ku li kêleka civaka demokratîk û aşîtîyê ne, divê bi ruhê seferberiyê beşdariya mîtîngê rêxistinî bikin, bi hêz bikin û mezin bikin.”
